देशी गिर गाईचे A2 तूप

भारतामध्ये देशी तुपाचा औषधी आणि आरोग्यासाठी वापर गेली हजारो वर्षे सुरू आहे. छत्रपती शिवाजी महाराजांच्या काळात आणि त्यापूर्वीही युद्धामध्ये होणाऱ्या जखमा भरून येण्यासाठी देशी गाईच्या तुपाचा वापर केला जात होता. देशी गाईच्या तुपाच्या सेवनाने शरीराची प्रतिकार क्षमता वाढते. वात, कफ, पित्त यांच्या संतुलनासाठी मदत होते. त्याचबरोबर दैनंदिन देवपूजेसाठी निरांजनामध्ये गाईचे तूप वापरावे. घरामध्ये अग्निहोत्र आणि इतर धार्मिक कार्यासाठी देशी गाईच्या तुपाचा वापर आगळीवेगळी अनुभूती मिळवून देतो. सर्व प्रकारचे सौख्य आणि समृद्धीसाठी घरामध्ये आणि कार्यालयामध्ये देशी गाईच्या तुपाचे निरांजन सतत तेवत ठेवल्याने विलक्षण सकारात्मक अनुभव येतात.अनेक असाध्य आजारांमध्ये देशी गाईच्या तुपाचा वापर केल्यास ते आटोक्यात येतात असे अनेक जणांचे अनुभव आहेत.