संजीवन समाधी परिक्रमा

संजीवन समाधी म्हणजे पृथ्वी तत्त्वाबरोबर एकरूप होणे. यामध्ये आपल्या समाधीमध्ये आपण जीवंतपणीच जाऊन बसायचे आणि शिष्यांना बाहेरुन समाधी बंद करुन घ्यायला सांगायचे अशी पद्धती असते. संजीवन समाध्या फारशा आढळत नाहीत. संजीवन समाधीच्या ठिकाणी योगी पुरुषाचे चिरंतन अस्तित्त्व अस्ते अशी श्रद्धा आहे. जणूकाही योगी सत्पुरुष संजीवन समाधीमध्ये नित्य शास्वत वास करुन राहतात असे म्हटले जाते. सिंधुदुर्ग जिल्ह्यामध्ये सावंतवाडी, वेंगुर्ला आणि गोवा बॉर्डर परिसरामध्ये अशा नऊ संजीवन समाध्या आहेत. त्या अत्यंत दूर आणि आडवाटेला आहेत. ही संजीवन समाधी परिक्रमा आपले अष्टसात्विक भाव जागृत करील. आपल्याला अंतर्मुख करुन एक सर्वार्थाने वेगळी जाणीव निर्माण करील असा विश्वास वाटतो.